VÍDEO MOUCHIÑOS

Ola familias:

Pois esta si que xa é a última entrada deste curso. Déixovos este vídeo a modo de resumo do paso dos Mouchiños pola etapa de Infantil, quedou un pouco longo, xa que son moitas as experiencias vividas nestes tres anos (a calidade non é moi boa, pero quería compartilo por aquí, así que baixei a calidade da imaxe para que me deixara subilo). O que vos gardei no pen vese moito mellor.
Quería aproveitar para agradecervos a vosa colaboración, axuda e respeto en todo momento e ofrecervos a miña axuda e apoio sempre que o precisedes.
E aos Mouchiños... darvos as gracias por ser tan traballadores, pola vosa participación activa,  a motivación, o cariño e a humildade,  e por facerme chegar feliz á escola tódolos días, sempre pensando que sería un gran día e sempre ensinándome grandes cousas. Por outra banda, penso que todo isto non é casualidade, e detrás hai unhas familias que fan que os resultados sexan así de bonitos.
Encantadísima de formar parte da gran familia que xa formaron os Mouchiños para sempre. Grazas por ensinarme tanto.
Eu sempre con vós!
Quérovos moito!