Embudina

A novidade desta semana foi a nosa amiga Embudina! Fai maxia e se lle metes 10 palillos transfórmaos en decenas. Como imaxinades, foi un éxito! Preguntádelle aos vosos pequenos polas palabras máxicas e eles xa vos contan.
Tódolos martes na hora de ler virá un compañeiro de Primaria a contarlles un conto, neste caso tocoulle a Álex, de 6º, e estiveron moi atentos!
E hoxe venres, tivemos un día de moito traballo (e diversión). A primeira hora fomos ver un concerto de corda, e mesmo algúns atrevéronse a participar! E despois puxémonos mans á obra para definir e falar un pouco sobre a palabra do proxecto que nos tocou (integración) Para iso vimos un vídeo titulado "El puercoespín en Navidad" e levounos a falar do seu significado. Como era de esperar, saíron ideas ben bonitas. E por último, pensamos entre todos un título para o PDI deste curso (faino cada aula e despois decide por votación todo o alumnado do centro).