Seguimos!

Esta semana xa estivemos máis horas no cole, e o resultado foi moi positivo! Descubrimos que podemos saír ao patio e, a pesar de que este curso están recollidas as casiñas, gustounos moito este novo espazo, no que teremos que pensar en xogos divertidos e de movemento.

 

Ademáis, empezamos a facer algún traballiño, como veredes nas fotos, esforzáronse moito.

E como non, tamén nos deu tempo de xogar moito e ir descubrindo os novos espazos da aula, que irei cambiando ao longo do curso (como iredes vendo, os diferentes xogos proporciónannos grandes aprendizaxes, tales como o desenvolvemento da motricidade fina e grosa, a creatividade, imaxinación, a orientación espacial, a coordinación de movementos, a estimulación visual e do sentido cromático, a socialización  ou o xogo simbólico).

Déixovos unha pequena mostra da nosa primeira semana!

PARA A SEMANA QUE VÉN, PODEDES MANDARLLES A PARVA DESDE O LUNS, DADO QUE QUEDAN XA VARIAS HORAS NA ESCOLA.