Novas rutinas e materiais na clase dos Piratas

Estes días na clase dos Piratas estivemos descubrindo novos materiais e introducindo novas rutinas. 

Estamos empregando algúns materiais do método Montessori, ideado por María Montessori que se caracteriza por estar centrado e basado no desenvolvemento do neno. 

Aquí nos vedes traballando cos bastidores. Forman parte da área de vida praáctica e con eles practicamos habilidades para a nosa autonomía, tales como abotoar, subir unha cremalleira, ....

Torre rosa: forma parte da área sensorial do método e con ela traballamos o desenvolvemento visual, os tamaños, a concentración e a orde. 

Cilindros de botón: con este material traballamos a percepción visual, xa que os cilindros diferencianse só no seu tamaño e diametro. Ademáis traballamos a motricidade fina co seu agarre de botón. 

Números de lixa. A través do tacto traballamos a grafia dos números. 

E tamén estrenamos o "Recuncho do tempo", no que cada día o encargado ou encargada esperta e saca da cama ao día da semana que toca e coloca a boliña no seu vaso segundo como estea o tempo. 

Pouco a pouco iremos introducindo novos materiais, así que xa vos iremos contando!