Este foi o noso primeiro día da PAZ no cole de maiores e para coñecer o significado tan importante desta data partimos de poñer en común o que sabemos sobre esta palabra de tres letras:PAZ.
Alguén nomeou:
- paloma paz,
- paz pájaro,
- pez paz,
- bombero que decía paz,
- no hacerse daño,
- es una paloma...
Decidimos poñer un vídeo que nos explicase que é iso da PAZ porque ademais coa cantiga do vídeo... SENTIRÍAMOS A PAZ! e por certo... sería unha pomba a que nos explicase todo o que conleva esta palabra:
Dímonos conta de que cos sentidos do noso corpo PODEMOS SENTIR A PAZ: estando atentos para axudar, sabendo estar tranquilos cando algo non nos gusta e buscando a mellor solución para arranxalo, abrazando, escoitando aos demais, dicindo cousas agradables aos demais... pero sobre todo deixando que do noso corazón saian palabras fermosas.
O seguinte paso foi xogar coas letras da palabra PAZ despois de picalas, para colocalas na pluma que decoramos coas nosas pegadas e que colocamos formando parte do mural inspirado na escultura "Alas de México" de Jorge Marín.
Vede todo o noso traballo e con que ilusión fomos decorar este mural compartido.
QUE O NOSO DESEXO DE PAZ:
"VERNOS SEMPRE UNIDOS NUNHA GRANDE APERTA DE AMOR"
SAIBAMOS COIDALO E MANTELO CADA DÍA.
NOTA: En breve publicarase un vídeo no que cada un de nós abrimos os abrazos sobre estas "Alas de México"
No hay comentarios:
Publicar un comentario