RULETA

A proposta desta semana resultou ser moi motivadora para os Mouchiños! Tal e como se ve nas fotos, tiñan que escribir palabras que empezaran pola letra que lles tocou na ruleta. Foi tal o éxito, que se nos acabaron as fichas que tiña preparadas, así que seguimos con folios.
Tamén practicamos moito as mates, neste caso, as sumas con palillos. E como non vai ser todo traballar, tamén tivemos tempo para facer construccións. Propuxenlles facer unha exposición con elas porque non querían desfacelas e quedaron encantados!