Aquí estamos para contarvos o ben que o pasamos nos últimos días celebrando o Entroido!! O noso primeiro entroido no Couceiro, cheo de moitísimas emocións!!!!
Comezamos cos mandadiños do esqueleto Manolo. O primeiro día fomos coñecelo e ao principio a algúns dábanos un pouquiño de medo, pero indo visitalo día a día para ver o seguinte mandadiño, xa nos fomos facendo amigos e pareceunos moi divertido!
Chegou o gran día e con moita emoción percorremos as rúas de Pontedeume co noso disfraz de Elmer. Bailamos e desfrutamos cos postres típicos do Entroido que nos prepararon as familias!!
Rematamos o entroido coa "Queima do Meco". Todo o alumnado do cole, no patio de primaria, presenciou a queima e puxemos fin así ao Entroido 2020.
E entre tanta actividade...tivemos tempo a preparar uns graciosos antifaces, marcando a silueta da man e decorando libremente con gomets, plumas...
Agardamos que vos gusten as fotos e gocedes véndoas, tanto coma nós gozamos do Entroido!!!!
No hay comentarios:
Publicar un comentario