MOUCHOS E PEIXÍÑOS... RUMBO A PRIMARIA!!.

O FIN DE CURSO ESTÁ A PIQUES DE CHEGAR!

MOUCHOS E PEIXIÑOS REMATAN A ETAPA DE INFANTIL E EN SETEMBRO VERÉMOLOS XA... EN PRIMARIA.

O TEMPO PASOU VOANDO!. VERDADE FAMILIAS?.

A ENTRADA DO BLOG, ESTA SEMANA, ÍMOLA ADICAR EN ESPECIAL A VÓS. 

Por este motivo queremos clarexar que, o alumnado e familias das aulas das Sereas, Piratas, Astronautas e Elefantes tamén podedes botar unha ollada á información que se plasma na entrada (para irvos facendo á idea cando vos toque...) pero, esta semana dámosvos descanso en canto a temática e actividades propostas.

Aproveitade, se queredes, para realizar ou practicar as suxestións que vos propuxemos nas anteriores entradas e que aínda puideron quedar pendentes.

IMOS POIS CON INFORMACIÓN ESPECIAL PARA MOUCHOS E PEIXIÑOS!

Antes que nada transmitirvos unha mensaxe de tranquilidade. 
As mestras de Educación Infantil e Primaria coordinámonos sempre cada comezo de curso, e máis que o faremos neste que vén, dadas as carácterísticas do curso que remata. 

Esta coordinación consiste na transmisión de información (características, obxectivos, dificultades...) acerca do grupo clase e de cada alumno e alumna en particular á nova titora ou titor de primaria. 

Igualmente contamos co respaldo e asesoramento de Isabel Bestilleiro, responsable do Equipo de Orientación no noso centro.

Do mesmo xeito, o "feedback" (relación mútua) coa dirección do centro, co profesorado e co equipo de orientación que tivestes ata o de agora na Etapa de Infantil, seguirá a ser fundamental na Etapa de Primaria e estará presente sempre.

De seguido queremos amosarvos dous documentos importantes para que coñezades a nova etapa e vos preparedes para ela como familia (polo que supón de coordinación e en definitiva de estar pendentes uns dos outros). 

DOCUMENTO LEXISLATIVO.

DOCUMENTO PEDAGÓXICO.

E para os nosos "Pequenos Maiores" tamén temos un documento que vos vai gustar moito.

Mirade... se non fose porque o coronavirus se "atravesou no noso camiño", as profes teríamosvos preparadas dúas actividades moi chulas, para achegarvos á nova etapa que ides comezar:

- Houbéramos xogado un par de días no patio de primaria e...

- Iríamos visitar as dúas aulas de 1º de primaria.

Aproveitando esta última actividade, as nenas e nenos de primaria faríanvos entrega do... PASAPORTE A PRIMARIA!. 

Como esto non foi posible e o pasaporte é un documento imprescindible para poder viaxar (preguntade á vosa familia) e como vós, en setembro viaxaredes a 1º curso de Primaria... Aquí volo deixamos.

DEBEDES: imprimilo, cubrir o voso nome, decoralo ao voso gusto durante o verán, gardalo na vosa mesiña de noite e non esquecervos de traelo con vós o primeiro día de cole en setembro. 

As vosas profes de infantil estarán esperándovos, no patio dos maiores, para presentarvos ás novas profes (ou novos profes) e acompañarvos  ás clases de primaria pero... é imprescindible que amosedes o voso pasaporte. Así que... LEMBRÁDEVOS DEL!!.

(Se imprimides a dobre cara, dobrades pola metade e quédavos como un folleto A5 e senón, pegades as dúas caras brancas de cada  folio entre sí, dobrades e conseguiredes igualmente un folleto A5).

PASAPORTE A PRIMARIA.

XA VEDES COMO IMOS PREPARANDO O NOVO CURSO!. CON ILUSIÓN E LEDICIA!. 

ESTO NON NOS VAI FALTAR NUNCA. 

Queremos dicirvos que imos "pasiño a pasiño, facendo o camiño".
Desde o cole iremos comunicando calquera novidade sobre o novo curso en canto a recibamos dos organismos oficiais. 
Mentres tanto, a nosa esperanza está en volver a retomar a normalidade de outros cursos e... con esa ilusión AVANZAMOS.

NORABOA FAMILIAS POR ESTE PASO A UNHA NOVA ETAPA!!