XA TEMOS NOME PARA A NOSA AULA!!

Hai un tempo algún dos pequenos de 3 anos A, que temos irmáns noutras aulas veciñas, interrogamos á mestra sobre... como se chama a nosa aula. Ela pedíunos unha cousa que se chama "paciencia" pois debiamos esperar a estar todos un pouquiño máis tranquilos e acostumados ao cole para poder escoitar mellor, pensar, decidir e facer unha boa elección.

Pouquiño a pouco e co paso do tempo, as actividades do cole e da aula fixeron que nos fósemos preparando para esta e outras moitas decisións que temos que tomar no día a día.

Pois ben... o pasado venres, na asemblea, fomos quen decidir como nos chamaremos desde o 12 de novembro de 2021 ata que remate o noso paso por Infantil. Aínda que este será un nome que non esqueceremos por moito que pase o tempo.

Despois de explicar que as diferentes aulas que están no noso corredor teñen un nome e, de que os compis con irmáns nelas nos dixesen como se chamaban (Piratas e Sereas) escoitamos que alguén na clase dicía... BOMBEIROS!. Outro compi contestou: - Si bombeiros. Ao que seguíu outra compañeira. - Pues a mi me gustaría sirenas. A profe aclarou que non podiamos ter o mesmo nome que outra aula, pois se chegamos a estar xuntos no patio (cando remate o covid) e a profe chama por nós... mesturariamonos os nenos e nenas das dúas aulas. - Patos. - Ambulancia (bueno... pensamos que máis ben médicos, doutoras, enfermeiros, enfermeiras...). 

Logo de anotar todas as opcións na pizarra e de facer a correspondente votación... tiveron máis raíñas... 

OOOOOOOS BOMBEEEEEEEEIROS!!.