AGORA SI... BO NADAL!

 BO NADAL FAMILIAS!

No remate do 1º trimestre e logo de ter traballado un montón, a clase dos Astronautas, aproveitamos este día sinalado para felicitar o Nadal.

Nesta entrada imos resumir as actividades destes últimos días que viñeron marcadas polo empeño en que gozárades da nosa ACTUACIÓN. Esperamos que así fose e para que a lembredes aquí vos deixamos unhas imaxes dos ensaios a da gravación da mesma. A profe di que o fixemos... XENIAL!. Que pensades vos?.

  

 

Nestes días tamén tivemos tempo para amosar o traballo realizado coas nosas familias. Decoramos unha MAN, como símbolo de unión entre todas e todos, coa que construímos a  árbore de Nadal que decorou o corredor principal do noso cole. Queremos agradecervos o traballo compartido desde a casa e orixinalidade das producións.

 

A punto de marchar de vacacións, para gozar do merecido descanso, reflexionamos entre todos sobre... O NADAL QUE QUEREMOS que non é o mesmo que "O que queremos neste Nadal" i é que hai anceios e sentimentos que pedimos para este Nadal e desexamos que se extendan ao longo do resto do ano. Aquí os tedes e aquí nos tedes escribindo a carta que entregaremos aos paxes e estes aos Reis Magos de Oriente.

Despois desta visita tan especial gozamos dunha estupenda merendola navideña. Estaba todo boísimo!

E como despedida... selamos a nosa PROMESA de cara ao vindeiro ano 2020. Para iso botamos man das nosas burbullas do respecto e coidado mútuo. Prometemos tratarnos con cariño, respecto e coidándonos entre nos. 

Ata dentro duns días que nos voltaremos ver no cole! pero mentres... gozade destes datas tan especiais!.