SLIME

Hoxe os Mouchiños viñan moi ilusionados porque xa sabían que tocaba experimentar. Gustoulles moito facer o Slime e saiulles moi ben. A pena é que a textura dura pouco tempo, pero de tódalas receitas que probei na casa, esta é a máis sinxela e rápida (así que lle teño que dar as grazas á miña afillada Ana polo titorial).
Déixovos unhas fotos para que vexades o ben que o pasamos, e tamén a receita, porque me insistiron moito os Mouchiños para que a publicara e a poidades facer vós na casa.

 Ingredientes:

Cola branca

Bicarbonato

Pintura

Líquido de lentillas

Botades nun vaso unha pouca cola branca, engadides a pintura da cor que vos guste e remexedes ben. Despois engadides unhas gotas de líquido de lentillas (Mercadona) e un pouquiño bicarbonato. Revolvedes rápido. Se vedes que está moi líquida, engadides máis líquido de lentillas (non moito). Do que máis cantidade hai que botar é de cola, isto é o que determinará o tamaño do Slime.