Letras Galegas e Día da Familia

Esta semana estivemos moi entretidos! O luns celebramos o aniversario da Vaquiña Anahí, que xa ten 4 aniños!

Ademáis, tiñamos aínda pendente o café coa profe Isabel, así que o martes convidámola e encantoulle! Non só o café, senón tamén poder compartir un anaquiño da súa mañá con nós. (Tomouno no despacho, porque na aula non podía sacar a máscara).

Como este ano o Día das Letras Galegas vai dedicado a Xela Arias, tamén estivemos aprendendo un pouquiño sobre esta Escritora; pintamos a súa cara con acuarela, e hoxe fixemos varios xogos. Ao rematar e tendo en conta que completamos todo sen problema, levamos a peza que nos tocou, para entre todo o cole poder completar un puzle de Xela Arias.

E como mañá, 15 de maio, se celebra o Día da Familia, fixemos un imán con plástico máxico (é unha lámina de plástico que necesita ir ao forno e queda máis pequena).

Despois da lectura do conto Un poema para curar a los peces, decidimos que nós tamén podiamos facer unha poesía para celebrar un día tan especial, así que cada Vaquiña deixou voar a súa imaxinación, e quedou un poema moi fermoso! (espero que o disfrutedes tanto coma nós facéndoo). 

Tamén lemos o conto Un puñado de botones, que nos axudou a entender que hai diversos tipos de familia e que todas son respetables. A partir de aí, con varios botóns seguimos debuxando familias.

Ollade a nosa semana...