TRABALLIÑOS PARA OS MOUCHOS E OS PEIXIÑOS

Ola familias:
Como estades? Espero que sigades todos e todas ben!
Debido a que estes días algúns de vós nos pedides recomendacións para traballar na casa, decidimos enviarvos estos ficheiros por se queredes facelos cos vosos pequenos e pequenas. Para isto, debedes ter en conta varias cousiñas:
-Non son obrigatorios, se non queren non os forcedes a facelos.
- Son bastantes fichas, pero por favor, non queremos agobiarvos, intentamos que sirva de axuda. Podedes facer unha ficha, todas, varias ou ningunha, como xa dixemos é optativo e a modo de suxestión, por se vos pode axudar.
-Son dous ficheiros de lectoescritura. Do primeiro xa fixemos algún traballo, así que xa o coñecen. É interesante porque vai avanzando na dificultade. Tamén poden escoller eles a ficha que máis lles guste ou motive (eso como vexades vós).
- O segundo ficheiro, fixémolo con moita ilusión, pensando na volta ás aulas.... É de Illa Fantasía, e pensamos que a eles tamén lles fará ilusión. Trátase duns traballiños sobre as Mulleres Poderosas que ían acompañar á Capitá Mariana no seu galeón dourado (O Stella Maris). Teñen que completar palabriñas en cada ficha e despois colorear. Para que saibades como completalo, mándovos a maiores a solución (no último pdf, mirádeo ata o final porque aí veñen as frases completas, e suliñado o que teñen que escribir).
- Para facer calquera dos traballiños, nós recomendamos que non copien, senón que intenten facela por si mesmos, pensando en como soa cada palabra (así era como faciamos na aula). Se se equivocan, non pasa nada, lembrade que están aprendendo.
- Lembrade que estamos para axudarvos no que precisedes.
- Unha aperta enorme.
-Querémosvos moito.